Þjónustan okkar
Klíníkin veitir fjölbreytta heilbrigðisþjónustu.
Veldu þjónustuflokk hér að neðan til að fá nánari upplýsingar um mismunandi greiningar og meðferðir.
Hryggjarklíníkin
Við tökum á móti einstaklingum með bak- og/eða taugaverki út frá baki. Athugið að tilvísun er forsenda fyrir því að komast að hjá sérfræðingi. Öflugt teymi skurðlækna býður upp á fjölbreytt meðferðarúrræði. Fræðsla, deyfingar, eftirlit og skurðaðgerðir. Framkvæmdar eru bakaðgerðir vegna m.a. brjóskloss eða þrenginga á mænugangi.
Greiningar, meðferðir og eftirlit. Fjölmargar brjóstaaðgerðir eru framkvæmdar á Klíníkinni í forvarnar-, greiningar- eða meðferðarskyni. Þar má nefna fyrirbyggjandi brjóstnámsaðgerðir og uppbygging brjósta vegna BRCA stökkbreytinga, aðgerðir til að fjarlægja góðkynja mein, brjóstaminnkanir, brjóstastækkanir með púða og/eða eigin fitu og brottnám brjóstapúða.
Yfirlit yfir bæklunarþjónustu Klíníkurinnar: liðskipti, axlir, fætur og hendur – ásamt sjúkraþjálfun sem fylgir þér frá fyrsta degi. Veldu sérgrein hér að neðan til að fara beint á rétta síðu.
Gerviliðir í mjöðm og hné, liðspeglanir á hnjám og APS-meðferð við slitgigt – með eða án greiðsluþátttöku SÍ. Sjáðu biðtíma í rauntíma og hvað þú þarft að vita fyrir aðgerð.
Axlarskurðlæknar og sjúkraþjálfarar greina og meðhöndla vandamál í öxlum og olnbogum – liðspeglanir, sinaviðgerðir og gerviliðir í öxl. Fræðsla um algengustu axlarmeinin.
Fótarskurðlæknar greina og meðhöndla mein í fæti og ökkla – skakkar tær (hallux valgus), hamartær, sinavandamál og slitgigt – flest sem dagaðgerðir með markvissri endurhæfingu.
Handarskurðlæknir Klíníkurinnar greinir og meðhöndlar úlnliðsgöng, gikkfingur, Dupuytren, slitgigt í þumalrót og áverka á hönd – flest í staðdeyfingu sem dagaðgerð.
Efnaskiptaklíníkin
Erfiðleikar með þyngdarstjórnun og offita er vaxandi áskorun í þjóðfélaginu. Boðið er upp á vandað greiningarferli og viðeigandi meðferð. Í henni getur m.a. falist samtalsmeðferð, ráðgjöf, fræðsla, lyfjagjöf, mismunandi aðgerðir og eftirfylgd.
Kvenheilsuklíníkin
Reyndir kvensjúkdómalæknar starfa á Klíníkinn. Framkvæmdar eru sérhæfðar aðgerðir vegna endómetríosu og aðrar hefðbundnar kvensjúkdómaaðgerðir.
Hjá Klíníkinni starfa reynslumiklir lýtalæknar. Boðið er upp á flestar hefðbundnar lýtaaðgerðir ásamt stærri lýtaaðgerðum sem krefjast innlagnar í kjölfar aðgerðarinnar.
Færir almennir skurðlæknar með fjölbreytta undirsérhæfingu starfa hjá Klíníkinni ásamt meltingarlækni. Framkvæmdar eru m.a. kviðslitsaðgerðir, aðgerðir við gyllinæð og öðrum endaþarmskvillum, ristilaðgerðir, gallblöðrutökur og þindarslitsaðgerðir. Fjölmargar ristil- og magaspeglanir eru einnig framkvæmdar til skimana, greiningar, meðferðar og eftirlits.
Á legudeild Klíníkurinnar dvelja sjúklingar eftir stærri aðgerðir, svo sem liðskipti og hryggjaraðgerðir, í einbýlum með hjúkrun allan sólarhringinn, sjúkraþjálfun frá fyrsta degi og möguleika á aðstandanda í sama herbergi.
Sjúkraþjálfarar Klíníkurinnar sinna endurhæfingu eftir aðgerðir og meðferð stoðkerfisvandamála í nýrri aðstöðu með HUR-tækjum. Endurhæfing byrjar strax eftir aðgerð og fylgir þér alla leið – einnig án aðgerðar með tilvísun eða beint.
Húðsjúkdómalæknar Klíníkurinnar greina og meðhöndla húðsjúkdóma hjá börnum og fullorðnum: exem, psóríasis, bólur, rósroða, feðjur og húðkrabbamein. Húðskoðun, sýnatökur og minni húðaðgerðir eru gerðar á stofu.
Hér erum við
Hafðu samband
Sendu okkur tölvupóst:
Sláðu á þráðinn:
Staðsetning:
Ármúla 7, 108 Reykjavík
Afgreiðslutími:
Mán-fös kl.07:30 - 16:00
Fréttir og fræðsluefni
Fylgstu með því nýjasta sem við erum að fást við á Klíníkinni.
