Fegrunaraðgerðir eru framkvæmdar til að leiðrétta útlitsþætti sem valda einstaklingi vanlíðan. Þetta getur verið allt frá minniháttar hrukkum til umfangsmeiri vandamála, eins og sígnum brjóstum eða svuntumaga. Lýtalækningar eru hins vegar víðtækara hugtak sem nær einnig til meðfæddra lýta og alvarlegra lýta sem orsakast af slysum, til dæmis brunasárum.

Ef einstaklingur upplifir óánægju með ákveðna þætti í útliti sínu, er fyrsta skrefið að bóka viðtal og kynna sér þær aðgerðir sem eru í boði. Það er ekki nauðsynlegt að vera fullkomlega undirbúinn fyrir viðtal við sérfræðing. Í viðtalinu verður farið í gegnum allt ferlið sem tengist aðgerðinni, þar með talið upplýsingar um raunhæfar væntingar. Það eru engar skuldbindingar tengdar því að ræða við lýtalækni.

Nánast allar aðgerðir á sviði fegrunar- og lýtalækninga, bæði fyrir konur og karla, eru í boði. Að auki er boðið upp á meðferðir með Botox og fylliefnum frá viðurkenndum framleiðendum.